www.lifhaus.com.sb

Bemobile bata seke lo hidden costs of doing telco business in Solo ia! dasta why olketa no save daonem price blong calls tumas.

What iumi expectim competition for kam duim nao for barava slaedem down price blong calls ia, iumi call call gogo mobile hem hot long ear blong iumi nao! Iumi no lukim kaen ia yet.

Hao moa ia?

Bringim kam third operator? Digicel nao ating bae good. Olketa nao garem staka baon from operation blong olketa long Caribbean, full pacific anda access to international financing (no kaen loan from ANZ or Westpac lo Honiara nomoa ba)

Sapos olketa Digicel kam moa, every island blong iumi bae garem anykaen ugly metal tower ia moa ia. Group ia taem buildim tower olketa no save rave rave ia. Kaen apum 500 towers across country olsem..plusim go 100 towers blong Telekom then nara 100 blong bemobile moa, kandere blong iumi ia bae hem olsem wanfala big magnet for olketa super voltage lightning nao ia...olketa land blong iumi ia bae cook nomoa from every lightning wea olketa tower ia 'earthim' go long anda nit graon.

Ok luk laek olketa lo telco commission agree finis that bae no any third mobile company kam anytime soon. So hao. Telekom anda Bemobile bae tufala gogohet watchim each other nomoa anda no daonim price of calls na ia.

Why nao daonem price of calls taem olketa man lo solo still save afford for baem olketa mobile ia anda make calls?

Volume?

Forgetem volume fastaem. wanfala samting staka pipol no save nao hem what olketa economics pipol save kolem 'Law of diminishing returns' and costs associated with that law.

Inorder for you to increase output by increasing input, your capacity of handling that increased input (volume of customers/calls)must also be increased. Taem iu duim olsem, you have to meetim samfala increased cost moa ia. Sapos iu bae save quicktaem recoverm cost blong iumi within short time hem ok. Bata sapos iu save that minimum return hem 10 yrs for breakeven plusim go moa increasing operating cost blong iu bikos iu have to also providim power moa, security moa, HR costs moa, plusim go moa uncertainty long external environment moa..iu ating bae say, iumi relax long current capacity nomoa...no spendim millions of US dollar moa for upgrade for meetim volume strategy ia anda iumi tek from what iumi garem fastaem, paym baek samfala loan then iumi easy easy expand, targetim nomoa olketa ples wea return margin hem healthy lelebet.

Or hao, iumi go all out nao anda tekem billion dollar loan from IMF or World Bank, increasim go capacity, tekem 400,000 customer (total pop 500k) then iumi hope everything hem ok?

Olketa quesion olsem nao olketa maedo from tufala telco kabani ia ating tingting about ia. Or wat nao iufala tingim?

Why nao SIEA no go putim olketa small generator long olketa major villages blong iumi?
Why nao SIWA no go putim water supply network anda meter box long olketa major villages blong iumi?
Why nao MV Renbel anda MV Bikoi concentrate nomoa long Honiara-Auki-Honira anda Honiara-West-Hon trips anda olketa no runim twice a month trip go long Renbel province or shortland?
Why nao Solair runim 3 times a day flight long Dash8 aircraft go long West anda olketa no run go long Lata or Kirakira or lo Taro?
Why nao olketa Bus blong iumi runim short trips long taon nomoa anda not kaen White river to KG olsem bifoa?
Why nao PFNET hem die?
Why nao Soltai problem olowe?
Why nao price blong local tayio hem expensive than PNG's Waioka?

Every question ia garem simple ansa nomoa. Dolla nao toko.

But anyway price for stay long Paradise nao ia anda me no les!

Me go bilnat fastaem.